مقالات| طرائف الإنتخابات في دوار "تامجونت" عام 1987 .. بقلم : أحد أبناء الدوار

بقلم : أحد أبناء الدوار

 

ف سنة 1987 فالانتخابات فدوار تامجونت بالضبط فالجامع ديال #تفانت_اوكعبون وقع شجار عنيف بسباب الغش فالتصويت سال فيه الدم بمعنى الكلمة.

 

 شي مسخوط الواليدين(مرضي الواليدين!)موالف كيدير سكانير (الحضية).. أكتشف أن شي مرأة صوتات و مشات بدلات اللباس ديالها و رجعات بالبطاقة ثانية على اساس انها هي مولاتها باش تصوت مرة ثانية.. ناضت قربالة فجامع أفينك الحرمة ديال المسجد و أفينك أبيت الله.. الرجال بالهروات و الحجر مكين غير سليخ داخل الجامع بعد ما لغوات و السبان مقداش ليهم الغرض و بلا منسى العيالات بالزغراتات هجروا الجامع هههههه الخلاصة: الايمان لي عندهم فالصندوق ديال التصويت بربي مراه عندهم فالله! نرجع نفهمكم(بعد هاد الشجار التاريخي فالدوار، قسموا الصندوق لي كان واحد على جوج:إعزابن بوحدهم، صحاب ذحفوث بوحدهم ) الاغبياء عتقدوا انه انتصار بالنسبة ليهم رغم كونه عكس ذالك! نسيت الامر راه موقفش غير فالضرب و الجرح.. جات القوة المضادة الجدارمية و العسكر لي خدات بزاف ديال ناس للحبس و هنات القضية أما كون الطايح كثر من النايض.

على اي حال الغرض ديالي من هاد زمر كولوا الغرض الاول: وهو واحد السيد قال كلمة توشمات على ظهر هاد الشجار التاريخي.. الجامع فالواد واحد من اعزابن هرب للجبل و هو يتعرض ليه واحد السيد من الفوق #بروطاف! قالوا العزابي أهيا ولد خالتي(أهيا ميس خاتشي) رد عليه الكعبوني اليوم مافيها لا ولد خالتي ولا ولد عمتي(نهارا وذايس لا ميس خاتشي ورا ميس عندي) والله ما خلاه يسلت بجلدو هبطوا بالحجر حتال الواد يوم الانتخابات يوم مصلحة الشخص الواحد و ليس مصحلة المغرب.

الغرض الثاني: بحضور الدرك الملكي جراو على الساكنة العزابية بطريقة خيالية.. فيها المطاردات بفرق عصابية و الهجوم الانفرادي من اعالي الجبال، تهدنات الدعوة فين ما كان شي سطل ديال اللبن و الرايب البلدي هبطوه للواد للدركيين و العسكر عركوها بصحتهم.. بعد هذا سمحوا ليهم يصوتو بوحدهم مع تكرار عدد المرات مهم الصندوق عمروه صحاب تفانت اوكعبون.

واش فهمتوا ولا نعاود نشرح ليكم أ يريافا ن.... الغرض ديالهم كيقضيوه كيف ما كان الحال و الاحوال هاد العام و لا هاد الكارثة فحق المواطنة، تسببات فضرب الجد ديال الله يرحموا من طرف شي حيوان همجي بدون اي سبب غير كان كيحاول يهدن الوضع و بغا يقول ليهم بالامر مكيستحقش هاد المهزلة كلها بهاد المناسبة كنحيي بزاف الجدة ديالي الله يطول ليها فالعمر على النضال ديالها القائم الى يومنا هذا كونها رفضات من اللحظة لي تضرب فيها الزوج ديالها بدون سبب على عدم الاقتراب من الصناديق الاقتراع مهما كانت الاسباب قالت ليا بالحرف وخا ينوض جدك من قبروا يترشح والله منصوت عليه.