إنغميسن نإكزناين
مزيان يكونوا عندنا مركبات ترفيهية خاصة، لأنها كتشكل متنفس للساكنة، واحنا كنشكروا مواليها وكنشجعوهوم وندعيو معاهوم بالتيسير لأنهم كيشجعوا البلاد.
ولكن واش اولاد الشعب والطبقات الفقيرة قادرين يدوزوا الصيف فهاد لابيسينات؟
فاش تسمع لابسين داير 50 درهم او اكثر للفرد الواحد، زد عليها الماكلة والماء ...
بالله عليكم كيفاش تقدر تمشي ولو غير 3 دالمرات فالاسبوع؟
ما بالك بعائلة اللي عندهوم 4 او 5 ديال الافراد؟
المشاريع الترفيهية الخاصة مزيانة ولكن ليست في متناول الغالبية.
لذلك اكزناين فحاجة لمسبح عمومي اللي يقدروا عليه اولاد الشعب كاملين.
خاص مسبح اللي ديرو الدولة واللي الاثمنة ديالو كتكون رمزية وفالمتناول.
علاش اشاوين كمركز للدائرة ماياخودش المبادرة ويدير مسبح عمومي خاصة انه معندوش فهاد الساعة لا عمومي ولا خصوصي.
فين السيد رئيس بلدية اكنول؟
فيلاجات صغار فالمغرب وعندهوم مثل هذه المشاريع.
واحنا باح.
هذا نداء للمسؤولين والمنتخبين وأصحاب الضمائر الحية باش يرحمو الاطفال فهاد الصيف، خاصة ان الحرارة ولات مرتفعة بشكل كبير.
التلاميذ كيشدوا العطلة فين غايمشيو؟
اوا وريونا عافاكوم حنة يديكوم وديروا شي حاجة يدكركم التاريخ بها.
