إنغميسن نإكزناين
المجلس الاداري ديال الجمعيات المهنية بدائرة أكنول من بعد الاجتماع اللي دار مؤخرا خرج كيحتج وكيكشكش وكيدق ناقوس الخطر حول سير مشروع التنمية القروية المندمج بالمناطق الجبلية "برودير" واللي التمويل ديالو كيتم بشراكة بين الصندوق الدولي للتنمية الزراعية والمغرب.
(رغم انه كاين اللي كيقول ان الفلوس عاطياهم الصندوق الدولي للتنمية الزراعية أما المغرب غير يدو والريح) بمعنى عاطي غير المواكبة التقنية والدعاء بالله يسخر.
المهم ماشي هذا هو المشكل.
المشكل أنه على حساب دائمآ ما جاء في بيان الفيدرالية أن المديرية الاقليمية كتنفارد باتخاذ كل القرارات اللي كتهم المشروع،او ما كتشاركش معاها باقي المتدخلين والمعنيين بالمشروع وفي مقدمتهم الفيدرالية.
لهذا فهي حسب البيان كترفض هاد التدبير الاحادي والانفراد يالشادة والفادة،وبغات يدار حوار باش يتم التقييم الموضوعي وتتم معالجة الاختلالات اللي كاينة،وبغات حتى هي تكون عندها وثيقة ديال المشروع، باش يمكن ليها تابع التفاصيل..
النداء موجه لكل سلطات الوصاية المعنية، والحاضر يبلغ الغايب.
