مقالات| يوميات في سوق بورد - بالدارجة (الجزء 5) .. بقلم : أمال نبورد

 بقلم : أمال نبورد

نختم ليكم القصة وخا الخاتمة مزالا...لارباع نهار سوق مشا تسالا..نشوف ليكم لخميس ان شاء الله..

من بين لحوايج لي رديت ليهم البال فسوق دبوريد..
لحيت لي داير بسوق جيهة دزريبة عاودو ليه اصلاح ولا بناء مهم درو ليه ديك لخدمة زوينة مزوقين لحيوط...حيت كانو الكسابة كيدخلو ليهم من شي بلايص منغير لباب هههه...ؤ رحبة دارو ليها صندوق فوسط سوق باش اعرفو الداخلة ؤ الخارجة...أمي أمي لحبيبة كيدير هاد لعقل لي عند هاد المهندس لي هندس لسوق...حتا من لبلاصة دلحوت معرفت شنو زمرو تماك..لي كيبيع الحوت قدو قد كاخة كيغيدير اوصل ديك طبلة لمزلجة فيها ميترو ؤ زيادا وقيلا...هاد لمهندس عيا ميهندس طواليت مفكر فيها اديرها فسوق غي لعيالات ادي شي شوية ديال دعاوي من مسينات....

ناس هادي شحال مكانتش كتلقا فين تفرش والو لبلاصة الى ممشاش لجماعة ؤ جا معاه لسكري اوريه فين افرش ليه بزز والله لفرش(طبعا رشوة)...ؤ دازت ليام جات لجماعة ولا دولة ولا معرف شكون شد داك سوق ؤ صلحو فرش طريق لصاب صباط كيدي ؤ كيجيب ؤ شي مرات مكيرداوش كيدخو بطوموبيل نساو ليمات دلغيس...فرشو لبلاصة لخضرا ؤ...بقا فراشهم تماك بلا ميكلس عليه حد حيت ناس ديالنا مولفين الحمد لله كيكلسو فالارض ؤ عارفين بلا لي فرش ليهم غي كيضحك عليهم...

شنو لي خلا ناس تفقد التيقة فسوق.. شنو لي خلا نلس متسوقش..شنو لي خلا ناس تسوق ؤ متشري والو.. حاجة وحدة لي بانت ليا مكينش شي واحد لي يحافض على حق المساكين لخضارة نصابة.. ؤ سمسارة نصابة.. ؤ لكزارة نصابة.. ؤ لبياعة نصابة.. ؤ لي كيشريو زرع نصابة.. حتا من صحاب جوطية نصابة.. حتا من صحاب صنك نصابة...بكل صدق كترو نصابة ؤ لموساكين مبقاوش قادين ايشوف حقهم كيضيع بين يضيهم..امثلة..لوز عيشين ميا كيشريوه بألف ريال..تور مليون كيشريوه بمياؤربعين...لقمح شعير..زيتون زيت..لعدس..لفول.........عيقتو يا نصابة ؤ شكون ايكول لا هاشي حرام... 

جيهة لفوقنية كانت زوينة بزاف..فين ما كان شي واحد تقطع ليه صباط كيرقعو تماك ؤ دبا كاليك عندو غي مع جديد وها...نسا بلا سباطو كان كيتشكا من قوت لمسامر....نسيتو مشحال لبستو لعيلاتكم ؤ خواتاتكم سباط دلميكا ؤ كنتو مكترداوش تشوفو فشي وحدة لابسة لميكا فرجليها...اما دبا حيدتو لمسامر وليتو كتلبسو سبابط دلميكا....

لقيصة ديالي مع سوق دبوريد كملات ؤ عييينا من دوران شبعنا من سوق.. شرينا زريعا ؤ درا.. ؤ حزمنا حوايجنا على حمارنا...بابا شافني عييت ركبني ؤ هو تابعني من لور.. دزنا فدوار كلنا هدا ما هو دوارنا..وصلنا لتيران حتا خرجنا منو عاد كلنا مابقا لعب معاكم ما فيكم تيقة.. مسمودي ربح دري غي فلعب لوكان زاد لعب لوكان ربح الرئاسة داجماعة حتا هو...طلعنا مع لواد كي كيطلع لوتد من لرض..وصلنا للعقبة حنيت على حمارنا مسكين متقل بلحوايج..نزلت وخا أنا عارفة لهبوط ماشي كي طلوع.. حمدت الله عطاني قلب قدر احن على لحمار و طلبت منو ارطب قلوب ناس لي كتركب على ناس كي لحمير ؤ كتزيد تضرب فيهم بلعصية ؤ كتكول ليهم علاش كتكولو لينا عطيونا لعلف..

سبحان الله لحمار هادي شعال كنا كنجروه ؤ هو كيتبعنا دبا لا لحمار تعلم ولا عارف طريق كيمشي راسو ؤ حنا تابعينو من لور..

زمان دوار كولشي كيدور..يويلو لي دار عليه زمان ؤ ملدلر لخير فناس...

عزيتكم على قلبي يا ولاد بلادي كي عزيت ولادي..ملي كلست معا لعيالات سمعت لي ميتسمع..كلت هادي غي هدرة دلعيلات.. لكلاس فدار ؤ ميدير..ملي طليت ؤ شفت بعيني حلفت حلفة بلا لبلاد ولات كي لحلفة فين ما كانت شي واحد قاتلو لوسخ كيجي لبلادنا احيدو فيها...بوريد ولات كي حمام سخون...

حلفت حلفة بلا بلادنا كي لمرى الهجالة..منهار طلقت ؤ هي فذل..لوكان صحلبليها طلاق غيجي من موراه غي ذل تهزو مع المستعمر لي مرضات بيه.....

عودت ليكم هاد القصة باش متكولوش مكناش عايشين حسن منكوم... راه لحيات كانت زوية قبل ميتولدو شي ميكروبات فبلادنا لي بقات كتغزغز ؤ تكبر حتا مخلاو لينا...كاين الله ؤ باقي الله...

السلام عليكم..وصلت لدار فرحنا صغير ؤ لكبير جبدت زريعة ؤ درا لي شريت من سوق قسمت مع ختي صغيرة ؤ ماما.. كاسنا كنكلو..كول حبة دزريعة بتفو على المسيدون....خبيرتي مشات لواد لواد وأنا بقيت مع لولاد لبلاد.